हरिः ओम्

Sloka Text in Telugu , Kannada, Gujarati, Devanagari, English

સુંદરકાંડ.
અથ પંચચત્ત્વારિંશસ્સર્ગઃ||

તતસ્તે રાક્ષસેંદ્રેણ ચોદિતા મંત્રિણસ્સુતાઃ|
નિર્યયુર્ભવનાત્ તસ્માત્ સપ્તસપ્તાર્ચિવર્ચસઃ||1||

મહબલપરીવારા ધનુષ્મંતો મહાબલાઃ|
કૃતાસ્ત્રાસ્ત્રવિદાં શ્રેષ્ઠાઃ પરસ્પરજયૈષિણઃ||2||

હેમજાલપરિક્ષિપ્તૈર્ધ્વજવદ્ભિઃ પતાકિભિઃ|
તોયદસ્વનનિર્ઘોષૈ ર્વાજીયુક્તર્મહારથૈઃ||3||

તપ્તકાંચન ચિત્રાણિ ચાપાન્યમિત વિક્રમાઃ|
વિષ્ફારયંતઃ સંહૃષ્ટાઃ તટિત્વંત ઇવાંબુદાઃ||4||

જનન્યસ્તુ તતસ્તેષાં વિદિતા કિંકરાન્ હતાન્|
બભૂવુશ્શોકસંભ્રાંતાઃ સબાંધવસુહૃજ્જનાઃ||5||

તે પરસ્પરસંઘર્ષા તપ્તકાંચનભૂષણાઃ|
અભિપેતુર્હનૂમંતં તોરણસ્થ મવસ્થિતમ્||6||

સૃજંતો બાણવૃષ્ટિં તે રથગર્જિત નિસ્સ્વનાઃ|
વૃષ્ટિમંત ઇવાંબોધા વિચેરુર્નૈરૃતાંબુદાઃ||7||

અવકીર્ણસ્તતસ્તાભિર્હનુમાન્ શરવૃષ્ટિભિઃ|
અભવત્સંવૃતાકારઃ શૈલારાડિવ વૃષ્ટિભિઃ||8||

સ શરાન્મોઘયામાસ તેષા માશુચરઃ કપિઃ|
રથવેગં ચ વીરાણાં વિચરન્વિમલેંબરે||9||

સતૈઃ ક્રીડન્ ધનુષ્મદ્ભિર્વ્યોમ્નિ વીરઃ પ્રકાશતે|
ધનુષ્મદ્ભિર્યથા મેઘૈર્મારુતઃ પ્રભુરંબરે||10||

સકૃત્વા નિનદં ઘોરં ત્રાસયં સ્તાં મહાચમૂમ્|
ચકાર હનુમાન્ વેગં તેષુ રક્ષસ્સુ વીર્યવાન્||11||

તલેનાભ્યહનત્કાંશ્ચિત્ પાદૈઃ કાંશ્ચિત્પરંતપઃ
મુષ્ટિનાભ્યહનત્કાંચિન્ નખૈઃ કાંશ્ચિદ્વ્યદારયત્||12||

પ્રમમાથોરસા કાંશ્ચિદૂરૂભ્યાં અપરાન્ કપિઃ|
કેચિત્તસ્ય નિનાદેન તત્રૈવ પતિતા ભુવિ||13||

તતસ્તેષ્વવસન્નેષુ ભૂમૌ નિપતિતેષુ ચ|
તત્સૈન્યમગમત્ સર્વં દિશોદશ ભયાર્દિતમ્||14||

વિનેદુર્વિસ્વરં નાગા નિપેતુર્ભુવિ વાજિનઃ|
ભગ્નનીડધ્વજચ્ચત્રૈર્ભૂશ્ચ કીર્ણાsભવ દ્રથૈઃ||15||

સ્રવતારુધિરેણાથ સ્રવંત્યો દર્શિતાઃ પથિ|
વિવિધૈશ્ચ સ્વરૈર્લંકા નનાદ વિકૃતં તદા||16||

સતાન્પ્રવૃદ્દાન્વિનિહત્ય રાક્ષસાન્
મહાબલશ્ચંડપરાક્રમઃ કપિઃ|
યુયુત્સુરન્યૈઃ પુનરેવ રાક્ષસૈઃ
તમેવ વીરોઽભિજગામ તોરણમ્||17||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે પંચચત્ત્વારિંશસ્સર્ગઃ ||

|| Om tat sat ||